Dr.Ling's Space

2011-01-06

Space今日迁移至此!

Filed under: 未分类 — DrLingCN @ 09:35

可惜Live Space唔做了,只好迁移。

当然迁移就要选好嘅服务提供商,所以就选WordPress了~

即使要翻墙,咁又何妨?!

2005-12-31

初试广州新开嘅地铁三、四号线

Filed under: 未分类 — DrLingCN @ 18:26
    广州地铁係本月26号新开咗3条地铁线路,二号线延长段、三号线首段同四号线大学城段。由于新地铁嘅开通,我终于唔使再挨2个几钟嘅公共汽车啦!40分钟就从大学城返到屋企!时间足足少咗三分之二!!!
    本嚟我想係地铁开通首日(26号係星期一)去坐首班车返大学城嘅,但係后嚟讲新线要下午2点先开始对公众开放,搞到唔能够第一时间去尝新!星期一下午又有课上,冇机会去逛地铁。不过后嚟听新闻讲,新线路开通首日由于过多老人去凑热闹,搞到四号线同二号线嘅换乘站一度封闭进入站台以限制人流!(注:广州65岁及以上嘅老人坐公共汽车同地铁都係免费嘅!)真係搞笑!
    由于琴日仲唔係放假前果日(星期六31号补上星期二3号嘅课),返屋企果阵唔係几多人。不过坐地铁果阵我得闲睇睇到底要几钱先返到屋企,结果郁闷咗我好一段时间。以前我数过好多次我只需要坐15个站6蚊就可以返到屋企,但係今次一数,16个站7蚊!!!郁闷啊~刚好到咗区间分段点!
    不过等车时间仲算俾咗个惊喜我,本嚟新闻讲四号线只有1部列车试运行,但係我去果阵听到个管理人员讲,E+四号线多咗部车运营,最长等车时间由32分钟缩短到16分钟。总算唔使错过咗车嘅我等咁耐!
    最后讲讲我琴日坐地铁嘅感觉。新闻讲四号线係广州地铁里面最安静嘅,但係我觉得我坐嘅果部仲吵过二号线!希望只係我坐嘅果部係支援四号线嘅,真正嘅四号线列车会安静D啦~四号线嘅列车门上面增加咗类似香港嘅电子路线图,不过唔係全部线路嘅,只有四号线同未开通嘅五号线嘅交叉线路图。进站前线路图旁边有显示哪个门会打开。全市嘅地铁线路图安排咗係列车嘅顶部,要抬到先睇到,唔係几人性化。
    唔知道係唔係新地铁开通冇几耐,好似D列车长都有D“神经错乱”。我咗嘅果部四号线係万胜围站嘅时候竟然显示要开嘅门同实际开嘅刚好相反!咁都唔算咩啦,后嚟坐嘅二号线开出后第一个站应该係琶州嘎嘛,但係报站广播却话“下一站係本次列车嘅终点站——三元里”!!!晕啊!!开通咗几年嘅二号线都仲有咁嘅低级错误出现,真係匪夷所思!最后列车长要开咪重新报站,并且道歉。
    40分钟嘅地铁真係几快嘅~以后返大学城再都唔使挨公共汽车咯~~~
 
PS:嚟篇嘢本嚟琴晚就发布嘎啦,不过唔知係咩事,发布唔成功,仲要文章丢失,搞到今日重新写过!

2005-12-30

提前1日放假!~

Filed under: 未分类 — DrLingCN @ 18:50
    本嚟元旦放假係1号~3号(31号上3号嘅课),但係我哋31号上嘅星期二嘅课全部提前停课,所以我今日就做晒作业就冲咗返屋企,好好叹下咯~3日假变4日,爽!

2005-12-22

第一次冬至冇得返屋企

Filed under: 未分类 — DrLingCN @ 23:07
    俗话讲嘅“冬大过年”就係指D人认为过冬至比过年仲重要。我係之前嘅18年都能够係屋企舒舒服服咁过冬至,至少可以係个温暖嘅被窝里面赖床~但係读大学啦,啱啱好冬至又唔係周末,冇得返屋企,早上重要从被窝里面爬出嚟上课,痛苦啊~~~第一次冇得返屋企过冬至,唉!~
    怀念屋企嘅温暖~

2005-09-10

9.10 教师节

Filed under: 未分类 — DrLingCN @ 21:38

 

    今日係一年一度嘅教师节,先係度祝天下的好老师节日快乐~
    琴日我冇乜事做,就从大学城冲返市区,先係屋企解决咗午餐,就一个人(其他高中同学不是军训、去外省,就係有事做回不去)返去高中。俾前班主任叫咗去买教师节礼物。唉~一个从来不去逛街嘅男仔,要去买礼物,真是为难啊~好在老师都跟埋去,唔係都唔知点买晒果400蚊啊~(竟然我哋班以前嘅班费仲有咁多未用!)同语文老师买咗个按摩器,数学老师一个皮包,英语老师一个大公仔(俾佢放係车度或者俾佢个仔仔玩)。仲揾我写咗3张卡片,真係揾我笨啊,练字嘅速度写完果几十个字!
    由于我哋冇人係今日得闲,礼物只能由班主任带送,我哋以前嘅同学只能约埋一齐发短信表示一下心意。
    最后再衷心希望老师们节日快乐,身体健康!

2005-09-01

手机

Filed under: 未分类 — DrLingCN @ 14:02
    终于开卡啦~
    2005年9月1日,终于有得用手机咯~
 
服务提供商:中国移动 动感地带
手机:Nokia 6680

2005-07-07

7.7卢沟桥事变68周年+小暑

Filed under: 未分类 — DrLingCN @ 16:44
    今日係“卢沟桥事变”68周年嘅纪念日,深切缅怀革命先烈!
    今日发现左一件怪事!就係係小北花圈附近有好多二中嘅学生係度派纸仔!小暑咁热嘅天气竟然要当街派纸?!係二中暑期补习班嘅宣传纸定係D咩宣传单张?!洗唔洗学生派啊~我仲见到一个高二认识嘅添!真係唔知咩回事!有冇人可以讲俾我知啊~

2005-01-22

人生四境

Filed under: 未分类 — DrLingCN @ 18:55
    ①儿童急走追黄蝶,飞入菜花无处寻。
    ②花径不曾缘客扫,蓬门今始为君开。
    ③停车坐爱枫林晚,霜叶红于二月花。
    ④古来圣贤皆寂寞,惟有饮者留其名。

在WordPress.com的博客.

%d 博主赞过: