Dr.Ling's Space

2006-05-21

马克思主义政治经济学终于考完啦~

Filed under: 学习 — DrLingCN @ 13:59
    经过今日上午2个钟嘅绞脑汁时间,终于搞掂咗又一科可能使我离开电联嘅政治课,E+超Happy!
    据说,从下一届开始就唔使单独学马政经嚟科,而係几科政治课一齐上。幸福啊~
Advertisements

2006-05-14

周星驰嚟大学城华工拍广告!

Filed under: 娱乐 — DrLingCN @ 20:17
    周星驰竟然琴日同今日都嚟咗华工大学城校区,係教学区A3、A4之间拍芬达广告,搞到两栋教学楼都封咗唔俾人入。好多fans去睇,不过我就冇去凑咁嘅热闹啦~安心係宿舍复习马克思政治经济学原理,准备下个星期日嘅考试。
    最后放上几张学生拍嘅相啦~(点击有大图哦)
 
    
 
    
 
注:图片放係华工百步梯服务器,国外访问可能会有问题。

2006-05-06

微软Live服务器终于可以上啦~

Filed under: 计算机与 Internet — DrLingCN @ 11:35
    係之前嘅一个星期,电信唔知乜原因封晒微软Live服务嘅服务器。不过从琴日开始,Live Mail服务器开始可以正常使用,今日其他服务器也都基本可以正常访问啦~
    唉~都唔明嘅,封就封死啦,封果一个星期又唔封,係唔係代表我哋gov太乜了咧~

2006-05-03

电信封微软Live服务!!!

Filed under: 计算机与 Internet — DrLingCN @ 22:53
    最近几日我都登唔上Live Mail,一开始唔知点解。係学校用教育网就一定唔得嘎嘞,但係係屋企用ADSL冇理由上唔到嘎。后嚟发现网上好多人都话上唔到同Live服务有关嘅服务器,而且几乎都係用电信嘅!之后我试下tracert一下一部分Live服务器,结果都发现唔能够连接。E+几乎可以肯定係电信係度搞鬼啦!不过除咗气愤,冇乜方式表达抗议咯~电信就係霸道!

回顾五一前嘅劳动周

Filed under: 学习 — DrLingCN @ 22:47
    今个学期,05级嘅华工学生都会有一个星期嘅劳动周。但係对于前8个星期劳动嘅学院嚟讲,劳动嘅意义就同之后嘅大不相同咯~
    开始人人都盼住劳动周快D嚟,咁就可以好好堕落一个星期,因为只需要劳动一日,上下午各一个钟。但係唔知边条友第8周劳动之后出咗去玩,又唔注意,搞到出咗事(究竟係乜事我就唔多清楚啦)。学校就要求以后劳动嘅学院除咗上英语、实验、军事理论之外一律去劳动,誓要唔俾D学生出去玩!唉~苦咗我哋嚟D第8周之后劳动嘅人啦~果条友又係嘅!唔识去浦就唔冇去啦!正害人精嚟嘅!
    唉,劳动周冇得去玩就只好係度抽时间做下课余玩意啦~啱啱好有个制作万用表嘅活动,就参加做,花咗我几个钟焊电路板,总算搞好,而且焊得仲可以,俾其他人好唔少~第一次焊电路板啊~~~
    我哋嘅劳动周係第10周,4月24到28号,嚟五一仲有两日,果两日又要补5月4号同5号嘅课,真係痛苦!果两日好似根本就冇人听得入课。
    劳动周最后一日晚刻俾C++老师拉咗返北校区拍上课,话係申请省精品课。唉~同以前类似嘅一样,太假咯~

通过访问 WordPress.com 创建免费网站或博客.

%d 博主赞过: