Dr.Ling's Space

2006-02-25

新学期,新生活~

Filed under: 学习 — DrLingCN @ 23:03
    话咁快,大一下学期嘅第一个星期就咁过完。一个字总结啱啱过去嘅嚟个星期就係:忙!简直就係忙死人!不过也都有唔少使人高兴嘅笑料啦~下面一样样讲。
    首先就当然讲下上学期考试嘅事啦~总算有惊无险,全部都pass晒~之前以为唔及格嘅工科数学分析,可能係个老师发觉真係好多人唔及格,搞到要全部人加分,我考完后认为会fail嘅科目竟然有80几分!寒~睇落真係加咗唔少分!仲有嚟个具有中国特色嘅社会先有嘅毛泽东思想概论,我复习咗嘅就冇考,考嘅几乎都冇复习!好彩!及格!
    上个学期嘅工科数学分析老师因为今年有好多公干,所以换咗个新老师。据上个学期教我哋嘅数学学院副院长讲,嚟个老师係清华嘅博士后!好似好强咁~不过佢俾我嘅第一印象就係人虽然和蔼,但係唔注意自己嘅形象,形象俾我哋高中时候嘅胡须佬仲差!而且普通话不准确,好好的一个“落体运动”被他说成“裸体运动”!我哋班人狂笑,佢仲好意思问我哋笑乜!寒啊~
    一个学期冇上物理,觉得生疏咗唔少。今个学期终于有大学物理学啦~不过原嚟分配教我哋个教授竟然唔得闲,换咗个一般嘅讲师代替咗!超唔爽!
    电路係第一门专业课,又係今个学期唯一一门嘅专业课。但係唔知点解,我哋班竟然要同普通班一齐上,郁闷啊~个老师上课好似当我哋完全唔识电学咁嚟教!
    上课第一个星期要选课,唔知点解,我自己部机上去选课就好快,我一阵就搞掂咗。但係其他人仲未登陆到!搞到后嚟好多人嚟我度选课!唉~
    最后讲讲其他人考试嘅情况,同宿舍嘅其他3个人,一共只有一科次唔及格要重修。不过奇怪嘅就係,最认证嘅果个唔及格,反而最唔读书嘅果个全部pass!嚟个时间就係咁唔公平!
    就讲住咁多啦~嚟个学期一定要努力!觉对唔能够再有唔及格嘅危机出现!四级考试一定要考好!
Advertisements

2006-02-17

又要开学咯~

Filed under: 学习 — DrLingCN @ 22:48
    唔知唔觉4个星期嘅寒假就咁过完,听日我就要返去报到咯~又一个新嘅学期,有新嘅课程,比上学期辛苦大约1.5倍啦~
    係新嘅学期里面我一定会加倍努力,以免再次发生好似上学期咁以为自己唔及格嘅事!
    嚟个学期考英语4级。努力!努力!一定要努力!!!

在WordPress.com的博客.

%d 博主赞过: