Dr.Ling's Space

2006-01-20

终于考完试咯~

Filed under: 学习 — DrLingCN @ 14:17
    大学第一个学期嘅考试终于落下帷幕啦~2个星期6科考试,仲算唔多唔少。但係考完试之后发现,大学同中学真係有巨大嘅差异!竟然6科里面有2科嘅考试试题同上届嘅试题极端雷同!对于我嚟D从嚟唔会复习往届考题嘅人嚟讲,真係唔抵!以后嘅大学考试睇嚟都要认真睇睇往届嘅考题,咁先可以确保K.O.班同学咯~
Advertisements

2006-01-13

电联!Maybe我要同你讲bye-bye啦~

Filed under: 学习 — DrLingCN @ 19:26
    唔知唔觉入咗大学已经1个学期,大学嘅第一次考试就已经杀到面前啦。本嚟认为大学应该冇咁紧张,考试都唔会咁难,而且只要及格就得。但係考咗两科之后发现好唔对路!
    第一科係毛泽东思想概论,就係背书。结果发现考试嘅内容竟然同我背过嘅几乎冇重叠,只好成张卷係咁写小论文,希望能够撞上一部分得分点。考完后,有其他学院嘅人讲试题竟然同上年嘅几乎一样!只有单选唔同。寒啊~可惜我哋学院冇人揾到上年嘅考卷~
    插段笑话:我嘅一个係其他学院读嘅同学揾到上年嘅试题,但係认为今年唔会考相同嘅题目,全部试卷上嘅题目都冇复习过~可怜啊~
    今日考第二科,工科数学分析。本嚟数学係我嘅强项,但係面对果份都唔係俾人做嘅题目就真係难顶咯~我写咗嘅题目就算全部啱晒都只係得75分!而且我自己心知肚明有好一部分係错嘅!啱嘅部分大约只有55分!唔及格啊!!!有史以来好似係第一次数学考试唔及格!而且学院院长讲过只要一科考试肥佬就要踢出电联!唉~
    E+只有讲,电联,再见啦~係电联嘅朋友,一路考好啊~
    我估计唔多可能继续留係电联度嘎啦,除非考试分数乘以1.1~1.2再算总评啦~不过仲係有可能发生嘅,因为普片都考得唔好。数学学院副院长教我哋本嚟係好事,但係佢出嘅题目就真係……
    唉~

在WordPress.com的博客.

%d 博主赞过: