Dr.Ling's Space

2005-09-30

军训!

Filed under: 学习 — DrLingCN @ 23:03
    经过17日嘅艰苦磨练,军训终于结束啦!~
    同好多人唔同,我唔係几中意军训嚟样嘢。好多同学都对军训有或多或少嘅怀念,连辅导员都话军训係大学期间最令人怀念嘅事情,但係我就觉得军训简直係度浪费时间!至少训练唔到我哋任何嘢出嚟!话就话能够培养我哋严守纪律嘅作风、刻苦耐劳嘅品格等等,但係嚟D都只能够係军训期间看到,军训一旦结束,以上任何嘢都会被抛到九霄云外,连揸都冇得剩!
    我军训已经算好嘎啦,个辅导员知道我一D事后就叫我写请假条俾教官,使我军训后半段时间都唔使去训练!

2005-09-10

9.10 教师节

Filed under: 未分类 — DrLingCN @ 21:38

 

    今日係一年一度嘅教师节,先係度祝天下的好老师节日快乐~
    琴日我冇乜事做,就从大学城冲返市区,先係屋企解决咗午餐,就一个人(其他高中同学不是军训、去外省,就係有事做回不去)返去高中。俾前班主任叫咗去买教师节礼物。唉~一个从来不去逛街嘅男仔,要去买礼物,真是为难啊~好在老师都跟埋去,唔係都唔知点买晒果400蚊啊~(竟然我哋班以前嘅班费仲有咁多未用!)同语文老师买咗个按摩器,数学老师一个皮包,英语老师一个大公仔(俾佢放係车度或者俾佢个仔仔玩)。仲揾我写咗3张卡片,真係揾我笨啊,练字嘅速度写完果几十个字!
    由于我哋冇人係今日得闲,礼物只能由班主任带送,我哋以前嘅同学只能约埋一齐发短信表示一下心意。
    最后再衷心希望老师们节日快乐,身体健康!

2005-09-09

大学城一星期感受

Filed under: 学习 — DrLingCN @ 23:20
    不知不觉已经係大学城住咗一个星期了,新奇嘅嘢都唔少见。
 
报到:
    9月3日和4日都是华工新生报到嘅日子。我由于係广州嘅,攞嘅嘢当然俾外省嘅多啦,就分咗两次两日攞。不过两日都係咁多人报到,场面有些许混乱。而且每个学生都要再次体检,搞到第二食堂3楼人满为患,每个项目都要排鬼死咁耐!
 
网络:
    以前听上届嘅师兄讲学校嘅网暂时仲係唔使钱嘅,咁我就係报到嘅第二日带咗部电脑去,但係一接网线就知道上当啦,竟然网络係冇接通新宿舍嘅!郁闷啊~一个星期都冇得上网!!!(学校电子阅览室虽然可以免费上网,但係我一般係唔去嘅,因为我唔放心係公共电脑上打密码)
 
宿舍和室友:
    我哋华工所有嘅大学城宿舍都係4个人一间房嘅。每个人住嘅床位已经係报到之前安排好晒嘎啦~不过上天好似对我几好,分咗个最好嘅床位,通风同光线都係最好嘅!Perfect!但係宿舍竟然明文规定唔俾装空调!而且每个寝室嘅用电器总功率唔能够超过640W!好在只有我一部电脑,唔係就肯定日日跳制咯~其实我哋栋宿舍5楼同2楼都跳过制啦,都係因为超过最高上限就跳嘅。最严重嘅就係有一栋宿舍有人私自装空调,一开就整栋楼跳制!可怕嘅限电啊~
    同室嘅都唔係广州的,因为我个班只有3个係地道广州中学毕业嘅,一个广东茂名,一个广西,一个安徽。沟通只能用普通话,因为只有我们两个广东嘅先识听同讲广州话,广西嘅只能听懂一部分,不会说,安徽的听和说都不会。个个人都算好,各有特点。茂名嘅会弹电吉他,而且带咗整套装备嚟,听果D懂电吉他嘅人讲,佢弹的功力已经比较高了。广西的平时少说话,但是知道学校的图书馆电子阅览室可以免费上网后就日日去上,比我仲忍唔得!安徽的成日係度玩手机游戏,或者上GPRS~总体嚟讲都冇咩忍受唔到嘅事情发生嘅。
 
学校食堂:
    华工大学城校区有两个食堂,其中第一食堂係上一届就开始用嘎啦,第二食堂就係今届先投入使用嘅~感觉上第一食堂大D,但係空调就唔够第二食堂嘅劲,吃饭环境都冇第二食堂好~最重要嘅係第一食堂嘅卫生远冇第二食堂好,虽然去过两个食堂嘅人都会发现苍蝇比较多,但係我係一次在第一食堂吃饭嘅时候发现五柳炸蛋里面有只德国小蠊(简称小蟑螂)!我立刻就冲咗去打菜嘅地方,叫咗个食堂主管出嚟,骂咗佢一大轮,然后叫佢俾我一餐免费任点嘅晚餐,先放过佢。不过係我吃完果次免费餐以后我都冇去过第一食堂吃饭啦~
 
学院、老师:
    我个学院大概係华工数一数二嘅大学院了,但係由于学院总部係五山校区,D老师同辅导员都冇乜嚟管我哋,就係嚟开咗次学院开学典礼。开学典礼其实真係好可怕!整个学校嘅果次就係学生同老师、校长都係烈日下暴晒几个钟,都算公平。但係学院嘅就唔同咯,老师、院长係宿舍嘅架空层咗,我哋就係宿舍嘅天井度晒太阳,仲要一开就开咗3个钟!再耐D可能就会有人要去医务室啦~再讲讲班主任,佢哋好似乜都管唔到,只係考英语嘅时候监考过,去像佢请假都冇用,要揾辅导员(专管生活方面的)先得!
 
大学城其他学校:
    我哋因为有好多同学都係考广东嘅大学,所有好多人都係大学城读至少一年。中大、广外係我哋最想去嘅地方,不过由于广外军训开始得早,我哋去唔到。去咗中大睇过,环境其实都唔错,住宿环境俾我哋好,而且允许装空调。但係中大嘅饭堂係“都城”(广州一家比较高档嘅快餐连锁店)承包嘅,所以吃嘅嘢比较贵,但係口感都同华工嘅冇乜区别,只係佢有贵价水果华工係冇嘅!后来中大嘅人嚟我哋华工吃过饭以后都唔想返去~而且我哋十几个高中同学一致认为今届华工女生嘅素质比中大嘅好!
 
    一个星期其实体验不到什么真正的大学生活,以后慢慢感受吧~

2005-09-03

广州大学城·新生报到

Filed under: 学习 — DrLingCN @ 18:25
    今日係华工2005届新生嘅报到日,好鬼多人~秩序比较混乱。
    不过分嘅宿舍嘅床位应该係室嘅最好嘅一个位置咯~
    大学城都係比较多民工,华工嘅正门都未搞掂!!!激死!其他配套设施应该只能满足基本生活需要,想出嚟玩都难!

2005-09-01

手机

Filed under: 未分类 — DrLingCN @ 14:02
    终于开卡啦~
    2005年9月1日,终于有得用手机咯~
 
服务提供商:中国移动 动感地带
手机:Nokia 6680

在WordPress.com的博客.

%d 博主赞过: