Dr.Ling's Space

2005-08-30

世界大战 War Of The Worlds

Filed under: 娱乐 — DrLingCN @ 17:28
    一个多月前就down咗只世界大战TC版落嚟,但係一直都冇时间睇。今日得闲无聊就睇咗下,感觉部片都几烂!从头到尾都係係度听个女仔尖叫!仲要係乜时候都叫,係唔係都叫!听多几次就想冲入部片度杀咗佢!仲有个男仔,明明係冲咗去阵地,而且阵地又俾完全摧毁咗,但係到最后仲比老豆快到波士顿!真係莫名其妙!演技方面,个个都係咁差!冇乜吸引人嘅地方~
Advertisements

2005-08-24

第二次香港七日游

Filed under: 旅游 — DrLingCN @ 22:34
    为咗玩埋上次未玩嘅地方同买手机,只好再用埋第二次签证。今次去玩嘅地方唔多,因为係香港嘅前几日都落大雨,香港挂黄色暴雨信号(唔同广州嘅黄色啊~落雨量可以同广州嘅黑色暴雨相比!)。
 
香港电脑通讯节2005
    因为落雨,户外节目当然要推后啦~展会就理所当然咁成咗主角。由于电脑通讯节一年一次,而且有大量产品以低于市场价发售,所有吸引咗大量嘅人入场参观。我係展会第一日就去嘅,可能係由于准备不足,到咗开场时间仲未能卖票,搞到几百人起哄~(感觉好似内地)入场后整体感觉仲唔错,好多新品睇,好多人推销,好多嘢派~有D嘢真係好平!一只128M嘅闪存(U盘)只要HK$9.90!!!
 
海防博物馆
    上次去香港就係剩低嚟个香港康乐与文化事务署属下嘅博物馆未参观,今次当然唔能够放过啦~虽然去咗,但係由于临时天文台发布雷暴警告,搞到“古迹径”行唔到,只能参观室内嘅,有D可惜~顺便提醒一下想去海防馆嘅朋友,由于海防馆离地铁出口有一大段路程,而果段路几乎冇人出没,好容易被打劫(我果日参观完返到住处睇新闻就有报到果度发生咗劫案),最好坐85路车或者打的士去,咁会安全D;如果你想坐地铁去就记得唔冇带太多现金啦~或者揾几个“彪形大汉”跟住,又或者带把小刀啦~
 
太空馆全天域电影
    好早就听讲香港有个360度嘅电影厅,但係上次去香港嘅时候又因为太多人买票搞到睇唔到,今次先睇到,但係睇完之后条气极端唔顺!太空馆分明係讹钱嘅,都唔係真正嘅360度!只不过係用16:9嘅高清电影投影到蛋壳状嘅银幕上罢啦~后排座位上面係没影像嘅!偏离画面中心嘅部分会变形,而且越偏离中心越厉害,明眼人一睇就知道唔係真正嘅360度电影啦~
 
电影院
    由于听一个友人讲话香港嘅影院设备同音效都唔错,而我又有空闲嘅时间,就去中环嘅IFC睇咗出智能杀机(Stealth)(内地仲未有得睇,而且睇过简介唔错先选佢嘅)。感觉音效真係好正,画面都过得去(因为係香港Stealth都快撤影啦,胶片嘅磨损已经有一定嘅程度啦,相信刚上映嘅会更好),座位都好舒服~而且最重要嘅係票价先HK$45(成人,非学生票啊),同我哋广州嘅五星级影院嘅价格差唔多~难怪香港嘅电影收入咁高啦~係电影开始前,我发现咗一个惊人嘅事实:讲英文嘅比讲中文嘅多,讲普通话嘅竟然比讲广州话嘅多!!!可怕啊~
 
手机
    由于去咗展会,发现里面嘅Nokia 6680比外面平两三百,就係里面买咗。后嚟发现仲有地方比佢抵!多100就多个立体声蓝牙耳机同一块非原装电池!唉~不过都算好,总算有手机啦,但係手机号要9月1号先开通(揾个好记嘅日子,方便以后充值)。
 
火警
    係香港嘅7日里面,有一件事真係好难忘。果日晚上返到灣仔嘅住处,啱啱换咗衫,准备煮饭,就听到火警嘅铃声,而且消防车好快就到咗,电梯当然唔能够用啦(想用都唔得!)~只好行楼。啊~28层嘅楼梯真係好长啊~落咗我六七分钟!落到嚟脚都差唔多断啦!后嚟个物业管理话係28楼嘅设备误报。真係啊!搞到连吃饭都冇晒心情!不过讲真,香港嘅消防车又真係嚟得几快嘅~
 
    今次去香港就冇上次咁多地方去咯,所以悠闲咗唔少,不过相信未来两三年我都唔会再去啦~

2005-08-17

再去香港~

Filed under: 旅游 — DrLingCN @ 16:17
    由于上次去香港嘅签证係签左2次个7日嘅,费事浪费左净低嘅果次,而且上次去果阵中意嘅果部手机太贵冇买,所有决定听日再去一次香港。买手机嘅同时顺便睇睇会展中心度举办嘅2005香港电脑通讯节~

2005-08-15

抗日战争胜利60周年!

Filed under: 新闻与政治 — DrLingCN @ 16:54
    60年前嘅今日,日本天皇发表投降诏书,宣布330万日军放下武器无条件投降。
    60年前嘅9月2号,日本正式签署投降书。
在“密苏里”号战舰上的日本投降签字仪式
日本投降书

2005-08-14

莫名其妙嘅出错+重装

Filed under: 计算机与 Internet — DrLingCN @ 17:43
    前两日下午个系统仲係好地地咁嘅,仲睇晒钢炼添,但係晚上开机竟然入唔到系统!俾左个唔知乜意思嘅错误代码出嚟,上网查都查唔到!修复系统都唔成功,搞到要重装系统!真係郁闷到极点!
    以下係果段错误代码,希望边个达人路过能够解释啦~
 
STOP:0x0000007E (0xC0000005 0x804DA0AA 0xF8981B00 0xF89817FC)

2005-08-12

钢铁炼金术士

Filed under: 娱乐 — DrLingCN @ 21:44
    琴日啱啱睇完钢铁炼金术士(共51集),感觉上前面嘅部分仲唔错,但係到左最后就有D仓促收场嘅感觉。特别係两个主角嘅老豆出场以后,竟然係个400岁嘅老不死!重要最后竟然将“门”嘅另一边连系到二战时候嘅伦敦!真係无厘头到极点!唔通高达SEED嘅续集要出嘞,怕唔够人争,搞到要草草收场?!唉~

2005-08-09

Gmail邀请50个!

Filed under: 计算机与 Internet — DrLingCN @ 22:49

 

    今天登陆Gmail发现我有50个邀请可以派发,有哪位想要感受一下Google提供的免费、高速、大容量邮箱的话可以在下面回复。只要留下你可以用的E-mail地址就可以了。
    注意:为了你的邮件地址免遭垃圾邮件的骚扰,请吧邮件地址中的@改为(at)。
 
49 Gmail invitations remain

2005-08-06

Google Earth 试用

Filed under: 计算机与 Internet — DrLingCN @ 22:29

    今日睇到新闻讲Google出左个Google Earth,可以睇到世界各地嘅卫星照片,咁就Down左个落嚟玩玩,感觉上仲可以,但係发现只有美国嘅城市同其他地方嘅最主要城市先有高清晰嘅卫星地图。例如中国,就只有北京、香港、澳门、台湾嘅一小部分地区有高清晰卫星照片,上海、广州竟然都没有!
    下面附上一部分截图(点击看大图):
 
         
紫禁城                          北京  
         
香港会议展览中心                   香港        
 
最后附上 Google Earth下载地址:http://desktop.google.com/download/earth/GoogleEarth.exe

2005-08-01

高考奖学金

Filed under: 学习 — DrLingCN @ 17:34
    今日回高中参加下一届高三的开学典礼,顺便拿高考奖学金。不过好像二中这次比上一届的奖学金少了很多~总分状元才10000元,总分800分以上1500,总分750以上500,单科900分1500,单科800以上400,而且可以叠加。但是我们的双料状元才16000多一点,比上届的少不知多少啊~领导还说这次比上次多奖钱呢!真是厚脸皮!
    可怜我先得1300元(总分500元,数学400元,物理400元)~

通过访问 WordPress.com 创建免费网站或博客.

%d 博主赞过: