Dr.Ling's Space

2005-07-29

对抗WGA,继续升级WinXP!

Filed under: 计算机与 Internet — DrLingCN @ 21:20
    最近微软加强了反盗版力度,要求每个下载微软网站里面的软件或更新的用户先安装Windows Genuine Advantage 验证工具,以检验用户XP密钥的合法性,很多盗版用户就此无法继续升级。现在我已经找到了解决的方法,方法如下:
 
    方法一:在安装WGA后,到Microsoft Update或者Windows Update去下载更新的时候,在按“快速”或者“自定义”按钮以前,在IE地址栏输入以下命令:javascript:void(window.g_sDisableWGACheck=’all’),然后回车,这样即可和以前没有要求检验的那样去升级了。
 
    方法二:在安装WGA后,如果检验不能通过(废话,能通过还看这个干啥?!),就用KeyFinder这个软件更换XP密钥,直到WGA检验通过为止。XP密钥可以用4in1算号器算。
 
    方法三:(只适用于WinXP SP2)安装WGA后,打开IE上Microsoft Update或者Windows Update,选择工具->Internet 选项->程序->管理加载项->选择Windows Genuine Advantage->禁用,最后确定就可以按正常方式升级了,只是IE会提示需要的ActiveX控件被禁用,可以不用理会!
 
    方法四:在安装WGA后验证一次(无论是否通过),打开“我的电脑”,进入C:\Documents and Settings\All Users\Application Data\Windows Genuine Advantage\data里面把data.dat备份一下,然后用随便一个非空只读文件替换它,就可以去升级了。
Advertisements

2005-07-24

YSF终于暴左咯~

Filed under: 游戏 — DrLingCN @ 21:58

    伊苏:菲尔盖纳之誓约(YSF)应该係伊苏3嘅续集,使用伊苏6嘅图像引擎,所有视觉效果好唔错,我係佢啱啱出嘅果然就开始Down。2980MB的确唔係少嘢,使左我唔少上网时间!但係完过之后先觉得果D时间冇白使!整个故事嘅大致情节睇日文同图像就知道啦~只不过要等中文版睇睇对话究竟係乜!好唔容易先搞掂最后嘅Boss,真係好×变态!俾倒数第二只强唔知几多几多!不过最终仲係睇到“Thank you for playing”~

2005-07-13

头文字D--Initial.D

Filed under: 娱乐 — DrLingCN @ 13:58
    琴晚睇左啱啱down落嚟嘅07.05.05.Initial.D.2005.PROPER.DVDSCR.XviD-WRD。果然同学讲嘅冇错!成出片就係睇赛车嘅!情节一D意义都冇,简直就係垃圾!
    未睇过嘅记住唔洗去电影院睇啦~down嚟睇啦~唔值得浪费钱去睇,除非你係Jay嘅fans,或者你冇宽带啦~

2005-07-07

7.7卢沟桥事变68周年+小暑

Filed under: 未分类 — DrLingCN @ 16:44
    今日係“卢沟桥事变”68周年嘅纪念日,深切缅怀革命先烈!
    今日发现左一件怪事!就係係小北花圈附近有好多二中嘅学生係度派纸仔!小暑咁热嘅天气竟然要当街派纸?!係二中暑期补习班嘅宣传纸定係D咩宣传单张?!洗唔洗学生派啊~我仲见到一个高二认识嘅添!真係唔知咩回事!有冇人可以讲俾我知啊~

2005-07-06

香港7日游

Filed under: 旅游 — DrLingCN @ 18:00

    消失左一整个星期,其实係去左香港。恰逢高考放榜而又未开始录取,其他非毕业班嘅同学又未放假,所以香港算係比较少旅游嘅人啦~
    香港嘅生活时钟同我哋内地嘅人稍微唔同,香港人多数係9点先开始上班,中午1点放学、吃饭,晚上8点吃晚饭!可能对内地好多人唔係咁习惯,不过对我嚟D吃无定时嘅人倒冇咩影响。
    可惜个人游香港只有7日(冇跟旅行社哦),所有冇玩晒所有想去玩嘅嘢,都算有D遗憾啦~不过3个月之内仲有一次去香港7日嘅签证用,到时候再补返都唔会迟嘅~

 
    讲讲一D对香港游嘅感受啦~
    数码产品电脑产品:对于想去香港买以上嚟D嘢嘅朋友嚟讲,最好买一D内地比较贵、而有D超前嘅产品最好,买D内地冇嘅高端产品都唔错,因为D价格比内地便宜好多,至少便宜几百蚊;而中低档嘅嘢反而同内地冇咩差别,有D仲贵左添!但喺唔冇见到咩中意嘅就去买,要问清楚“实价”先,好多商家都冇将“实价”标出嚟,只係标左个高价,只要你唔怕丑,到处问价,相信你嘅荷包会冇咁伤,起码省落一餐饭嘅钱!买以上产品嘅地方最好係去D大型电脑城、商业街去买。深水埗嘅高登电脑城、黄金电脑城、新高登电脑城都係买电脑设备嘅好地方,地铁深水埗站D2出口就係附近;旺角嘅西洋菜南街係买数码产品嘅好去处,商铺众多,可以货比三家,从地铁旺角站D3出口出,唔洗过马路,直接向下行就得啦~
    车费八達通:香港嘅路网建设真係好完善,从有轨电车(俗称叮当车)到巴士(有小有大、仲有双层)再到地铁都一应俱全!几乎你想到嘅每个地方都有车可以坐!但係车费(巴士)倒係几贵嘅,路途短嘅地方有时仲比地铁贵!叮当车够晒便宜,HK$2就可以啦,但係多数係俾香港人左嘅,因为冇站牌,冇报站,只有你确切知道佢嘅路线,你先可以去坐,否则迷路係好有可能嘅!如果你唔係经常有机会倒香港嘅话就唔洗用八達通啦,因为八達通已经冇以前嘅“尾程优惠”,而且要交HK$50押金,三个月内退卡就要交手续费!所有只去一次嘅旅客就唔洗用八達通啦,麻烦D每次放银仔啦~
    太平山臘像館:太平山(俗称扯旗山)算係能够全览香港维多利亚湾附近建筑群嘅绝好地方,上山最好左缆车,左汽车上山嘅话转弯转到你骨都散(我就几乎啦)!睇完维多利亚湾就可以去山顶嘅凌霄阁睇臘像,里面估计都有80个左右嘅臘像,多数仲係好逼真嘅,但係少数几个就唔似啦~门票都几贵,HK$95!除左成龙果个唔俾你自己嘅相机影之外,其他都可以,提醒句,你如果真係像影出靓相嘅话就记得带三角架,而且唔冇用闪光灯!否则整个效果就破坏左啦~
    博物馆:香港有好多博物馆,好似咩科学馆、艺术馆、太空馆、海防博物馆等等。如果你跟旅游团嘅话,多数就冇机会参观嚟D馆嘎啦~自己个人自由行就可以一日去晒咁多个馆!如果你想全部玩晒嚟咋馆嘅话,你最好先到科学馆!因为嚟D馆都係香港康乐及文化事务署属下,所有有通票卖!但係好似只有科学馆有得买,只要HK$30,一个星期有效,所有先到科学馆玩;嚟张票至少可以摼HK$50!当然,通票係无可以睇太空馆360度电影嘅!
    海洋公园:每个去香港玩嘅人必到嘅一个地方!冇去过嘅一定会后悔!自己坐车嘅话,最好就去香港岛金鍾嘅力寶大廈后面坐629海洋公园专车,直达海洋公园大树湾入口!个人觉得海洋公园嘅大树湾一侧嘅嘢好玩好多!坐缆车到正门果侧就冇咩好玩。所有从大树湾一侧玩起,玩到下午4点左右再去正门果侧行行就可以返归啦~有小朋友就另当别论,儿童王国係正门果侧!如果你玩晒大树湾果度嘅设施嘅话,HK$185就算好超值嘎啦~
    个人行为:一定要注意个人嘅举止啊~唔冇周街吸烟同饮食,因为好多地方都係禁止嚟D行为嘅,罚款好劲嘎~吸烟HK$5000,饮食HK$2000!
 
    去左香港7日,大致就係嚟D感受,以后谂起再补充啦~

在WordPress.com的博客.

%d 博主赞过: